21 лютага - Міжнародны дзень роднай мовы
21.02.202421 лютага адзначаецца Міжнародны дзень роднай мовы.
Дзень роднай мовы асаблівы для кожнай нацыі, кожнага народа, бо няма народа без мовы, няма мовы без яго носьбіта. І беларусы не выключэнне. Нам у спадчыну засталася ўнікальная мова – жывая і мілагучная, песенная і паэтычная, старажытная і сучасная.
Міжнародны дзень роднай мовы – гэта яшчэ адна нагода кожнаму беларусу задумацца аб лёсе нашай мовы, аб тым багацці, якім мы валодаем ужо толькі таму, што нарадзіліся і жывём на Беларусі. Адзiн дзень – гэта, канешне, нiшто, але ж трэба з нечага пачын.
Наш дзіцячы садок таксама адзначыў свята роднай мовы.
Супрацоўнікі дзіцячага аддзела Брэсцкай абласной бібліятэкі ім. М. Горкага Бебес Валянціна Міхайлаўна і Нікалайчук Вольга Мікалаеўна правялі мерапрымства «Краіна ветлівых слоў» для дзяцей сярэдняй і старэйшай груп нашага саду.
Дзеці чыталі вершы на беларускай мове, спявалі песні, пагулялі ў гульню «Краіна ветлівых слоў».
Бібліятэкар В. М. Нікалайчук пазнаёміла дзяцей з беларускімі кнігамі серыі «Маленькі прафесар». Разам змайстравалі вежу з ветлівых слоў.
Усім было вельмі цікава, бо зносіны з кнігамі духоўна ўзбагачаюць маленькага чалавека, робяць яго дабрэй і выдатней. У заключэнне, бібліятэкары запрасілі ўсіх дзяцей у бібліятэку.